វិធីចំហុយសាច់ជ្រូកជាមួយកូកាកូឡា
គ្រឿងផ្សំ៖
- សាច់ជ្រូក (សាច់ភ្លៅជាប់ស្បែក) ... ៥០០ ក្រាម
- ម្រេច ដំបែកគ្រើមៗ ... ១ ស្លាបព្រាកាហ្វេ
- ខ្ទឹម ដំបែកទាំងសំបក ... ១ ស្លាបព្រាបាយ
- ប៉ួចកាក់ ... ៣ ផ្កា
- អុបឆឺយ ប្រវែងមួយចំអាម ... ១ ណាត់
- ម្សៅស៊ុបខ្នរ ... ១ ស្លាបព្រាបាយ
- ទឹកស៊ីអ៊ីវ ... ១ ស្លាបព្រាបាយ
- ស៊ីអ៊ីវខាប់ ... ១ ស្លាបព្រាបាយ
- ស្ករស ... ២ ស្លាបព្រាបាយ
- កូកាកូឡា ... ២ ពែង
- ស្ពៃជ្រក់ ... ៦ ធាង
- ជីរវ៉ាន់ស៊ុយ ... ២ ទង
វិធីធ្វើ៖
១- សាច់ជ្រូក លាងឲ្យស្អាត រួចហើយយកមកប្រឡាក់ជាមួយម្សៅស៊ុបខ្នរ ហើយត្រឡប់ខាងស្បែកដាក់ចុះក្រោម ជាប់នឹងបាតឆ្នាំង ។ បន្ទាប់មក រោយខ្ទឹមស ម្រេច ប៉ួចកាក់ និងអុបឆឺយ រួចយកទៅចំហុយប្រមាណ ១ ម៉ោង សឹមថែមទឹកស៊ីអ៊ីវ ស៊ីអ៊ីវខាប់ ស្ករស និងកូកា កូឡាតាមក្រោយ ។
២- ក្រោយពីចំណុយមួយស្របក់ សឹមថែមស្ពៃជ្រក់ រួចបន្តរម្ងាស់ប្រមាណ ១៥ នាទីទៀត ឲ្យឆ្អិនល្អ ទើបដួសដាក់ចាន ហើយរោយជីរវ៉ាន់ស៊ុយពីលើមុននឹងទទួលទាន៕
