របៀបធ្វើ ញាំមីសួជូរអែម ពីអាហារដ្ឋាន ៤៧៨
គ្រឿងផ្សំ៖
- មីសួ បង្គាស្រស់ មឹក សាច់ជ្រូក
- ប៉េងប៉ោះ ផ្សិតត្រចៀកកណ្ដុរ ប្រហិតសាច់ក្ដាម គល់ខ្ទឹម ខ្ទឹមស ស្លឹកឃិនឆាយ
- ទឹកត្រីជូរអែម និងម្ទេស។
វិធីធ្វើ៖
1- ដំបូងត្រូវយកផ្សិតត្រចៀកកណ្ដុរទៅត្រាំឲ្យរីក។ បង្គា និងមឹក ត្រូវស្រុសមួយភ្លែត។
2- មីសួក៏ត្រូវស្រុសប៉ុន្តែកុំឲ្យរីកពេក។សាច់ជ្រូកត្រូវចិញ្ច្រាំ ហើយចំហុយឲ្យឆ្អិន។
3- ចាប់ផ្ដើមរៀបចំបន្លែ ដូចជាប៉េងប៉ោះត្រូវហាន់ជាចំណិត។
4- ខ្ទឹមសហាន់ស្ដើងៗ។
5- គល់ខ្ទឹមកាត់ជាកង់ៗប្រមាណ ២ ថ្នាំងដៃ។
6- ប្រហិតសាច់ក្ដាម និងផ្សិតត្រចៀកកណ្ដុរត្រូវហាន់ជាកង់តូចៗ។
7- បន្ទាប់មកចាក់បន្លែគ្រប់មុខ មីសួ និងសាច់ទាំងអស់ចូលចានធំមួយ ហើយស្រូបទឹកត្រីជូរអែមច្របល់ឲ្យចូលជាតិគ្នា រួចដាក់ម្ទេសហឹរតិច ឬច្រើនតាមចំណូលចិត្ត៕
ប្រភព៖ ភ្នំពេញប៉ុស្ត៍
